تابعنا عى موقع الفيس بوك
  • أحدث المواضيع
  • مواضيع مميزة
طريقة عمل شاور الجل باللوز لترطيب وتعطير الجسم مع رانيا
طريقة عمل شاور الجل باللوز لترطيب وتعطير الجسم مع رانيا
08 - يناير - 2014
فوائد اللوز
هنتكلم شوية عن فوائد اللوز، معروف إن اللوز له فوائد عظيمة؛ فاللوز بيفيد في بناء العظام لأن فيه نسبة كالسيوم، وتناوله مع الأكل مفيد للجسم جدا؛ لأنه بيحتوي على سكريات وأملاح معدنية؛ علشان كده يُفضّل إننا ناخد منه 7 حبات كل يوم الصبح.

اللوز كمان من الحاجات المهمة جدا لجمال المرأة، بالإضافة إلى إنه بيقوّي العضلات، وبيفيد في نمو الشعر، وبيمنع التساقط وبيقوّي البصيلات، وتناوله بكميات معقولة بيقي من مرض الثعلبة، كمان لازم نعرف إن زيت اللوز المر وزيت اللوز الحلو بيستخرجوا من نفس ثمرة اللوز، وزيت الحلو مفيد في رفع مقاومة الجسم بشكل عام، وبيدخل في كتير من الماسكات والوصفات.

شاور جل باللوز
المقادير:
كوب لوز
2 ¼ كوب ميه سخنة
5 ملعقة لبن بودرة كامل الدسم
3 ملعقة صغيرة ماء زهر الليمون أو برتقال
ملعقة صغيرة سترايك أسيد (ملح الليمون)
1/8 ملعقة صغيرة مادة كلوريد البوتاسيوم
5 ملعقة مادة تيكسابون
4 ملعقة صغيرة مادة الـKD
3 ملعقة صغيرة مادة الـbb25
3 ملعقة صغيرة مادة الـbb7
4 ملعقة صغيرة جلسرين
4 ملعقة صغيرة مادة السي سول
2 ملعقة صغيرة مادة حافظة
5 ملعقة صغيرة زيت جوز هند
الطريقة:
أول حاجة تحطّي اللوز على الميه المغلية، وسيبيهم على النار لمدة 3 ساعات، بعد كده خدي الميه اللي غليتي فيها اللوز، ودوّبي فيها اللبن البودرة، وبعدين ضيفي عليهم مادة التيكسابون، وقلّبيهم كويس جدا في الميه بمضرب البيض اليدوي؛ لحد ما يدوبوا تماما مع بعض ومايبقاش فيه أي قطع مكلكعة.

بعد كده ضيفي عليهم مادة الـKD وقلّبيهم كويس جدا، وبعد كده ضيفي مادة bb25، ودي مانعة لتكوّن البكتريا، وقلّبي كويس، وبعد كده ضيفي مادة bb7 مع الاستمرار في التقليب، وبعدها ضيفي الجلسرين، وبعدين مادة السي سول، وده كله مع التقليب المستمر بعد كل حاجة بنضيفها.

بعد كده ضيفي المادة الحافظة مع التقليب، وبعد كده ضيفي جوز الهند كمادة مرطبة، وعليهم ملح الليمون، وكلوريد البوتاسيوم، وفي الآخر ضيفي ماء زهر الليمون أو أي زيت عطري زي الصندل أو البندق أو الفانيليا.

احتفظي بالشاور جل بعد ما تعمليه في برطمان زجاجي، وخلّي بالك إنك لازم تسيبي الخليط يهدى لمدة 24 ساعة؛ علشان الرغاوي اللي فيه تهدى ويتفضل الشاور جل نفسه.

  • تعليقات الموقع
  • تعليقات الفيس بوك

التعليقات غير مفعلة